Erfðaefnið - DNA

Fruma
Grunneining lífsins; allt líf á jörðinni er byggt upp af frumum, allt frá bakteríum til manna. Frumur eru eins og pínulitlar verksmiðjur sem sjá um allar aðgerðir í líkama okkar, svo sem að framleiða orku og laga skaða.

Kjarni
Þetta er stjórnstöð frumunnar. Hann inniheldur mest allt erfðaefnið og stýrir því hvað fruman á að gera.

Erfðaefni
Þetta eru allar leiðbeiningarnar og teikningarnar sem fruman notar til að búa til lífveru. Þetta efni geymir allar upplýsingarnar um það hvernig við eigum að líta út og virka.

DNA (Deoxýríbósakjarnsýra)
Þetta er sjálft erfðaefnið og geymir allar erfðaupplýsingarnar. DNA er eins og risastór uppskriftabók sem segir frumunni til um hvaða prótein hún á að búa til.

DNA keðja
Þetta er formið sem DNA tekur á sig, eins og snúinn stigi (tvöfaldur gormur). Löng DNA keðja er samsett úr mörgum pínulitlum byggingareiningum sem kallast kirni.

DNA kirni (Nucleotides)
Þetta eru litlu byggingareiningarnar í DNA keðjunni. Það eru fjórar tegundir kirna (A, C, T, G) og röð þeirra ákvarðar erfðaupplýsingarnar.

Erfðir
Þetta er ferlið þegar þú færð erfðaefni frá foreldrum þínum. Það er ástæðan fyrir því að þú erfir eiginleika eins og augnlit eða ákveðna hæð.

Stökkbreytingar (Mutations)
Þetta eru varanlegar breytingar sem verða á röð DNA kirna í DNA keðjunni. Sumar stökkbreytingar eru skaðlausar eða hjálplegar, en aðrar geta valdið sjúkdómum.
Lífsýni: Lítið sýni af líffræðilegu efni sem er tekið úr lífveru, svo sem blóð, húðfrumur eða munnvatn. Hægt er að greina DNA úr lífsýni til að fá upplýsingar um erfðir eða persónu.